ЭЪЛОН
ДАР БОРАИ ҚАБУЛИ ШАҲРВАНДОНИ ҶУМҲУРИИ ТОҶИКИСТОН ДАР МУАССИСАҲОИ ТАҲСИЛОТИ ОЛИИ ҶУМҲУРИИ УКРАИНА

Вазорати маорифи Ҷумҳурии Тоҷикистон бо назардошти дар соли таҳсили 2010-2011 аз ҷониби муассисаҳои таҳсилоти олии Ҷумҳурии Украина ба шаҳрвандони Ҷумҳурии Тоҷикистон ҷудо шудани 10 бурсияи таҳсилӣ, аз ҷумла 5 бурсияи таҳсилӣ барои шаҳрвандони украинтабор аз рӯи ихтисосҳои филология (тарҷумони забони англисӣ), журналистика, механикаи муҳандисӣ, иқтисодиёти соҳибкорӣ ва сохтмон ва 5 ҷойи дигар барои шаҳрвандони ҷумҳурӣ аз рӯи ихтисоси муҳандиси барномавӣ, таҷҳизот ва системаҳои электронӣ, иқтисодиёти корхона, фанҳои компютерӣ ва сохтмон озмун эълон менамояд. Дар озмун хатмкунандагони лаёқатманди мактабҳои таҳсилоти миёнаи умумӣ, ибтидоӣ ва миёнаи касбӣ ва ҳамчунин донишҷӯёни курсҳои 1-уми муассисаҳои таҳсилоти олии касбӣ, ки забони таҳсил- забони украинӣ (барои украинтаборҳо) ва забони русиро медонанд, метавонанд ба сифати довталаб иштирок намоянд.
Довталабон ба комиссияи қабул ҳуҷҷатҳои зеринро пешниҳод мекунанд:
-аризаи асоснокшуда ба унвонии Раиси Комиссияи қабул барои ба сифати довталаб қабул карда шудани ҳуҷчатҳо;
-анкетаи иттилоотӣ;
-нусхаи аттестат ва ё диплом (хатмкунандагони мактабҳои таҳсилоти миёнаи умумӣ, ибтидоӣ ва миёнаи касбӣ аз ҷойи таҳсилашон маълумотномаи тасдиқкардаи роҳбари муассисаи таълимиро пешниҳод карда метавонанд);
-тавсияномаи Раёсат ва ё Шӯъбаи маориф, роҳбарони муассисаҳои таълимии ибтидоӣ, миёна ва олии касбӣ дар бораи дар озмунҳои минтақавӣ, ҷумҳуриявӣ ва байналмилалии фанҳои таълимӣ сазовори ҷойҳои ифтихорӣ гардидани довталаб, барандагони стипендияи Президентӣ ва номӣ, довталабони медалҳои тилло ва нуқра;
-нусхаи «Ифтихорнома»-ҳои дар давоми таҳсил аз ҷониби Вазорати маорифи Ҷумҳурии Тоҷикистон ва озмунҳои байналмилалӣ комёбгашта;
-гувоҳномаи тиббии – 086;
-4 дона сурати андозаи барои паспорт муқарраргардида.
Дар озмун ба довталабони гирандагони Стипендияи Президенти Ҷумҳурии Тоҷикистон, ѓолибони даврҳои минтақавӣ, ҷумҳуриявӣ ва байналхалқии озмуни фанҳои таълимӣ, довталабони медалҳои тилло ва нуқра ва донишҷӯёни лаёқатманди муассисаҳои таҳсилоти олии касбӣ, ки тавсияи роҳбарияти муассисаи таълимиро доранд, афзалият дода мешавад.
Ҳуҷҷатҳо дар Маркази барномаҳои байналмилалӣ воқеъ дар кӯчаи Мирзо Турсунзода-47 аз 29-уми апрел то 20-уми майи соли 2010 қабул карда мешаванд.
Имтиҳони қабул ва диктанти санҷишӣ рӯзи 21-уми майи соли 2010 дар Маркази барномаҳои байналмилалӣ баргузор мегардад.

Хоҳишмандон метавонанд маълумоти мукаммалро бо телефонҳои 227-65-60; 221- 11-75; 221-18-83 дарёфт кунанд.

Бахши рушди барномаҳои таҳсилоти байналмилалии Вазорати маорифи Ҷумҳурии Тоҷикистон