ҒОЛИБОНИ
ОЗМУНҲОИ
БАЙНАЛМИЛАЛӢ ҚАДРДОНӢ ШУДАНД
Сол аз сол сафи иштирокчиёни олимпиадаҳои байналмилалӣ
аз ҳисоби хонандагони болаёқат дар бахши фанҳои табийӣ
- риёзӣ меафзояд. Ин нуктаро Вазири маорифи кишвар А.
Раҳмонов дар мулоқот бо ғолибони озмунҳои байналхалқӣ
ва осиёгӣ аз литсейҳои Президентии шаҳри Душанбе, тоҷикӣ
–туркӣ ва Ҳотам ва ПВ, ки 14 майи соли равон баргузор
гардид, арзёбӣ намуд. Дар вазъияти тантанавӣ мавсуф ғолибон
ва устодони онҳоро табрику таҳният гуфта, ба онҳо тӯҳфаҳои
хотиравии таъсиснамудаи вазорати маорифро супурд. Дар
идома А. Раҳмонов барои боз ҳам тақвият бахшидани донишу
малака, омодагию ширкати онҳо дар озмунҳои бонуфузи ҷаҳонӣ
барору комёбиҳои бештарро таманно намуд.
Мавриди зикр аст, ки аз аввали сол дар олимпиадаҳои байналмилалӣ
аз фанҳои дақиқ 146 нафар хонандагони тоҷик ширкат варзида,
112 нафари онҳо ҷойҳои намоёнро ишғол кардаанд. Аз ин,
28 нафар медали тилло, 30 нафар нуқра ва 54 нафар медали
биринҷиро соҳиб гаштаанд.
